كلام من قلبي لقلبك يا ماما...
كلام من قلبي لقلبك يا ماما…
أنا معك… وبسمع كل هاي التساؤلات اللي بتفكري فيها بآخر الليل.
وبدي أطمنك إنه طبيعي جدًا يمرّ نوم الطفل بمراحل وتغيّرات، وطبيعي الأم تحس إنها تايهة ومش فاهمة شو عم بصير.
ورشة "أسرار نوم صغيري" مبنية على النهج الشمولي للنوم.
نهج بشوف الطفل مع كل احتياجاته، براعي مشاعره وبهتم ما نعمله صدمات.
رح تكتشفي إنه نوم الطفل مش معركة ولا تدريب قاسي، بل رحلة بتمرّي فيها معاه خطوة بخطوة، بتفهميه وبتدعميه، وهو كمان بتعلم يلاقي راحته.
إذا حابة تعطي طفلك بداية نوم صحية، وتلاقي طمأنينة إلك كأم… هاي الورشة إلك.
تفاصيل الورشة
عدد اللقاءات: لقاء واحد عبر منصة Zoom
مدة كل لقاء: ساعتين ونصف
تشمل الورشة:
مجموعة دعم على الواتساب
مجموعة الواتساب مفتوحة للدعم المتبادل بين الأمهات بدون تحديد وقت.
تسجيل كامل للورشة متاح للمشاهدة لمدة أسبوع.
تخفيض 15% على الاستشارات الخاصة في الموقع.
محتوى الورشة
طبيعة نوم طفلك وكيف بتختلف عن نوم الكبار.
الاحتياجات الأساسية اللي بتأثر على نومه (الأكل، القرب، الأمان).
بيئة نوم طفلك وكيف نهيئها تكون داعمة وهادئة.
مراحل النمو والتطور (التدحرج، الزحف، المشي، الكلام) وتأثيرها المؤقت على النوم.
التحديات الشائعة مثل كثرة الصحوة، القيلولات القصيرة، التعلق بالرضاعة.
أدوات عملية ولطيفة تساعدك تحسني نوم طفلك تدريجيًا، وبطريقة بتراعي قلبك واحتياجاته.
منال، فلسطين
الورشة كانت كتير حلوة وممتعة وفيها كتير استفادة وغيّرت منظور النوم عندي كلياً. بالذات انه كنت كتير مضغوطة إنه ممكن عم بعمل لبنتي عادة نوم سيئة وطلع العكس. شكراً كتير لعطائك.
فاطمة، فلسطين
شكرأ عالورشة الأكثر من رائعة من كل النواحي بالرغم من انها كانت ثلاث ساعات الا انه الوقت كان كتير سريع لانه كانت شيّقه وكانت المعلومات تعطى بسلاسة وكتير استفدت من المعلومات وارتحت اغنه انا كأم عم بقوم بواجبي الصح لبنتي. وفقرة الاسئلة أخدت حقها وكتير إستفدت من اسئلة الجميع.
إبتسام، فلسطين
ورشة قيّمة مع الاخصائية هدير، اكتر شي حبيته بالورشة انها بتقيم عن الام ضغط وحمل كبير!
ما بتلومك وما بتقلك هاد صح مطلق وهاد غلط مطلق
يعني من الاخر كتير اشياء منشوفها عالسوشيال ميديا بتسببلنا توتر وقلق عالفاضي وهي فش الها اصلاً أساس علمي
سعر الورشة
100 شيكل
ما يقارب 30 دولار أمريكي